Сэтгэгдэл ирүүлж үнэтэй туршлагаа хуваалцсан хүндэт үйлчлүүлэгчдээ ирээдүй нь үргэлж гэрэлтэж, амжилтаар дүүрэн байхын ерөөлийг дэвшүүлье🤍🤍🤍
Зураг
Сайн байцгаана уу? Намайг Энхжин гэдэг. Би 2025 оны 2 сарын 2с – 2025 оны 3 сарын 1 хүртэл Сэбү хотын Лапу Лапу дүүрэгт байрладаг CIA болох Cebu international Academy д 1 сарын хугацаанд ODEnglish-ээр дамжуулж англи хэлийг сурсан байгаа.
Анх бүртгүүлэхэд 1 сарын дотор яг юу сурах бол гэсэн хүлээлт маш их байсан. За тэгээд зориглоод л ганцаараа явсан даа. Анхны сэтгэгдэл гэвэл онгоцноосоо буугаад л маш бүгчим чийгтэй мэдрэмж төрсөн тэгээд онгоцны буудал дээр сургуулиас маань тосож аваад замдаа явж байх зуур яг л зүүдэлж байгаа юм шиг байсан.
Сургууль дээрээ очих үед өрөө болон ойр зуур хэрэглэх зүйлс бэлдэж хүлээлгэн өгсөн. Маргааш нь түвшин тогтоох шалгалт авч зөвхөн надад зориулсан хөтөлбөр гаргаж өгсөн нь маш их таалагдсан.
Ингээд л ганцаараа гээд эмээж байсан хүн чинь нэг л мэдэхэд маш олон найзуудтай инээж хөхрөөд л явж байсан. Мөн хамгийн их таалагдсан зүйл нь бүх зүйл нь сургууль дотроо төвлөрсөн нь гоё байсан .
Бассейн, биллиард фитнес, зургийн студи, караоке, дэлгүүр, хоолны газар гээд хүний хэрэгцээнд байх зүйлүүд мөн өөрийн хүссэн нэг ур чадварыг сайжруулах хичээлтэй энэнд нь дууны анги, киноны анги, бүжгийн анги, үкүлэлэний анги гэх мэтчилэн, байр хоолны хувьд ч бас надад үнэхээр тухтай амт чанартай санагдсан.
Мөн найрсаг хамт олонтой өглөө болгон танихгүй ч байсан найрсгаар мэндлээд зөрдөг. Энэ хөтөлбөрөөр явсандаа маш их баяртай байгаа. Чөлөөт цагаараа хүссэн зүйлээ хийж амралтын өдрүүдээрээ аялаад л маш гоё өнгөлөг дурсамжийг амьдралдаа нэмсэн гэж бодож байгаа.
Багш нарын хувьд хичээлийг үнэхээр өөр арга барилаар заадаг юм байна лээ. Маш ойлгомжтой тайлбарлаж ойлгохгүй байвал биеийн хэлэмжээр хүртэл хөгжилтэйгөөр заадаг кк. Ингээд л явах дөхөхөд багш болон найзуудаасаа салах үнэхээр хэцүү байсан.
Олон орны найзуудтай болж сайхан дурсамж бүтээсэн болохоор байнга хамт байгаад салмааргүй байсан хэдий богино хугацаа байсан ч гэлээ маш дотно болдог юм байна лээ.
Сурч байх явцад сургалтаа сунгах бодол маш их гарч ирсэн гэвч ажилтай болохоор ялт ч аргагүй буцах болсон доо .
Ийм гоё аюулгүй, дурсамж дүүрэн хөтөлбөрийг зохион байгуулж буй OD English-ийн хамт олондоо маш их талархаж байгаагаа хэлмээр байна .
Нээрээ 1-хэн сарын дотор маш их сайжирдаг юм байна лээ шүү. Энэ их хотын чимээ шуугиан түгжээ гэх зүйлийг бодолгүй тархи амрах шиг л болсон кк 🧚🏻I love CIA in CEBU 💙
Сэтгэгдэл ирүүлж үнэтэй туршлагаа хуваалцсан эрхэм дүүд ирээдүй нь үргэлж гэрэлтэж, амжилтаар дүүрэн байхын ерөөлийг дэвшүүлье!
https://www.facebook.com/share/p/15GNxiWf1S/?mibextid=wwXIfr
За хүнд анхны сэтгэгдэл маш чухал байдаг. Анх сургалтын төвүүдээ судлаад утсаар яриад явж байхад ODEnglish төвийн Од эгчтэй ярьлаа. Маш сайхан тайлбарлалаа. Хямд зардалыг ч мөн санал болголоо. Би заа эгчээ ойголоо баярлалаа гэхэд зүгээрээ миний дүү манайхыг сонгоод явахгүй ч гэсэн ирээд мэдээлэл ээ бүрэн аваад явж болно шүү гэж хэлсэн үг нь шууд зүрх рүү ёооонк гээд орсон. Бусад сургалтын төвүүд мэдээж маш сайхан тайлбарласан. Яагаад ч юм Од эгчийн үг хамгийн сайхан нь байсан. Ингээд энэ сургалтын төвөө сонгоод QQ English дээрээ очоод 1 сар суугаад ирэхэд ядаж л тодорхой хэмжээний ойлголттой, жаахан ярьдаг, гадаад найз нартай болоод ирж байгаа юм. Багш нарынх нь заах арга барил сайн, мундаг. ( Би чинь анхан дунд шатных, очихдоо англиар ярьж чадахгүй бас ойголт муутай байсан ) 
Яахав 1 сар гэдэг бол багадахаар санагдсан ядаж 2 сар явбал илүү сайн л байсан. Гэхдээ би цаашид үргэлжлүүлэн сурах сууриа олж авсандаа маш их баяртай байна. 
Энэ өдрийн мэнд хүргье
.
..
Австрали улс нь дэлхийд боловсролын өндөр стандарттай орнуудын нэг бөгөөд олон улсын оюутнуудаас хамгийн их сонгогддог улс юм. Судалгаа шинжилгээ, боловсролын чанар зэрэг олон үзүүлэлтээр Австралийн их, дээд сургуулиуд нь дэлхийд хүлээн зөвшөөрөгдсөн бөгөөд Дэлхийн шилдэг 100 их сургуулийн 7 нь Австрали улсад байрладаг онцлогтой. Австрали улс боловсролыг үндсэн экспортын 4 бүтээгдэхүүний нэг гэж үзэж, сургалтын хөтөлбөрийн чанар, стандартыг өндөрт баримталдаг.
Австрали улсад нийтдээ 41 их, дээд сургуулиуд байдаг бөгөөд тэдгээрийн 37 нь төрийн өмчит их сургуулиуд юм. Тус улс нь дэлхийн боловсролын стандартын дагуу чанарын өндөр түвшинд сургалт явуулж байна. Өнөөдрийн байдлаар, Австрали улсад 6000 гаруй монгол оюутан суралцаж байна.
Австралийн технологийн салбар нь шинэ санаа, судалгаа шинжилгээний хурдацтай хөгжлийг агуулдаг бөгөөд тус улс шинэ зуунд интернэтийн холболтын тоогоороо дэлхийд тэргүүлсэн. Багшлах боловсон хүчин, сургалтын болон судалгаа шинжилгээний материаллаг бааз нь дэлхийн хамгийн өндөр түвшинд хүрсэн. Австрали улс шилмэл технологи бүхий лаборатори, анги танхим болон номын сантай бөгөөд шинэ технологийг амьдралд хурдан хэрэгжүүлдэг нь оюутнуудад хамгийн сайн нөхцөл боломжийг бүрдүүлдэг.
Австралийн Технологийн Үзүүлэн (Australian Technology Showcase – ATS) нь тус улсын дэвшилтэт мэргэшил болон шинэлэг технологийн эх уурхайг тодорхойлдог бөгөөд Австрали улсад олон орны оюутнууд суралцахыг татдаг хүчин зүйлсийн нэг юм. Сургуулийн дүүрэг бүр утасгүй интернэт сүлжээгээр хангагдсан бөгөөд оюутнуудад зөөврийн компьютер, интернет хосолсон үйлчилгээ санал болгодог. Мөн оюутнууд номын сангаас зөөврийн компьютер зээлж авах боломжтой.
Австралид эзэмшсэн мэргэжлийг олон улсад хүлээн зөвшөөрдөг бөгөөд олон улсын их дээд сургуулиудад үргэлжлүүлэн суралцах боломжийг олгодог. Гадаадын мэргэшлийн хүлээн зөвшөөрөлтийн үндэсний алба (National Office of Overseas Skills Recognition – NOOSR) нь Австралийн Засгийн газрын дэргэдэх байгууллага бөгөөд тус байгууллага нь Австралид эзэмшсэн мэргэжлийг олон улсын хэмжээнд хүлээн зөвшөөрүүлэх ажлыг зохион байгуулдаг.
Австрали улсад хэрэгжиж буй мэргэжлийн сургалтын хөтөлбөрүүд нь Австралийн Мэргэжлийн Боловсролын Хүрээ (Australian Qualification Framework – AQF) дагуу хяналт тавигддаг бөгөөд энэ нь сургалтын чанарт хариуцлага хүлээж, мэргэжлийн ур чадварыг олон улсын хэмжээнд хүлээн зөвшөөрөгдөх хэмжээнд барих зорилготой.
Австралийн их сургуулиудын номын сан нь хамгийн сүүлийн үеийн ном, сэтгүүлээр баялаг бөгөөд оюутнуудад захиалж унших боломжийг олгодог. Оюутнууд номын сангаас номоо зээлж авах үед автоматаар шалгаж гарах боломжтой бөгөөд хуулийн сургуулийн номын сан нь гурван давхар бөгөөд Австрали, Канад, Америк, Их Британи, Шинэ Зеландын 100 гаруй жилийн өмнөх шүүхийн шийдвэрүүд болон сэтгүүлүүдийг агуулдаг.
Австрали улсад суралцаж буй оюутнууд болон тэдний эцэг эхүүд сургалтын чанар болон төлбөрт сэтгэл ханамжтай байдаг. Австралийн Засгийн газар нь гадаадын оюутнуудад сургалт явуулдаг сургуулиудыг тодорхой шаардлагуудыг хангасан нөхцөлд л бүртгэдэг. Үүний дагуу, сургалтын төв, сургуулиуд нь мэргэжилтнүүдийн боловсролын түвшинд тодорхой стандартыг баримталдаг бөгөөд оюутнуудад хамгийн сайн чанартай сургалт санал болгодог.
© Бүх эрх хуулиар хамгаалагдсан.
